  Translation tool beta version. Translation quality may be not a good
| | კერძო ინვესტორები საბერძნეთის ვალის ნახევრის ჩამოწერას დათანხმდნენ |  | World News |
 ბრიუსელში გამართულ სამიტზე ევროკავშირის ქვეყნების ლიდერებმა შეძლეს კერძო ინვესტორებთან შეთანხმება ბერძნული ობლიგაციების მიხედვით ვალის 50-პროცენტიანი ნებაყოფლობითი ჩამოწერის თაობაზე. ამის შესახებ იტყობინება Agence France-Presse. როგორც საფრანგეთის პრეზიდენტმა ნიკოლა სარკოზიმ განაცხადა, მიღწეული შეთანხმებულობის შედეგად შესაძლებელი იქნება 100 მილიარდზე მეტი ევროს ჩამოწერა 210 მილიარდი ოდენობის ვალდებულებებიდან, რომლებიც საბერძნეთის მთავრობას კერძო ბანკების წინაშე მართებს. ქვეყნის სახელმწიფო ვალის საერთო თანხა დაახლოებით 350 მილიარდ დოლარს შეადგენს.
|
|
Posted by Drakula | 27 Oct 2011, 18:52 | comments | ეკონომიკა | Score: 0 | Read More... |
| |
| | აპატურაი: საქართველო ნატოს საიმედო პარტნიორია |  | Georgian News |
 ნატოს გენერალური მდივნის სპეცწარმომადგენელმა სამხრეთ კავკასიისა და ცენტრალური აზიის ქვეყნების საკითხებში ჯეიმს აპატურაიმ დღეს, 27 ოქტომბერს, განაცხადა, რომ „საქართველომ დაამტკიცა, რომ ნატოს საიმედო პარტნიორია“. ეს განცხადება მან დღეს გახსნილ საქართველოს თავდაცვისა და უსაფრთხოების საერთაშორისო კონფერენციის დაწყებამდე გააკეთა.
|
|
Posted by Drakula | 27 Oct 2011, 18:52 | comments | პოლიტიკა | Score: 0 | Read More... |
| |
| | მიწისძვრამ თურქეთში შესაძლოა ვულკანი ნემრუტი გააღვიძოს | | World News |
 თურქეთში, ვანის პროვინციაში ძლიერი მიწისძვრის შემდეგ შეიძლება გაიღვიძოს ვულკან ნემრუტმა, რომელიც ვანის ტბასთან მდებარეობს. ამის შესახებ თურქეთი უნგრეთის საგანგებო სიტუაციების სამმართველომ (RSOE EDIS) გააფრთხილა. აღნიშნულია, რომ თურქეთში არ არის მონაცემები ვანის, მუშისა და ბიტლისის პროვინციებს შორის განლაგებულ მთა ნემრუტის ვულკანური აქტივობის გამოკვლევების შესახებ.
|
|
Posted by Drakula | 27 Oct 2011, 18:49 | comments | გარემო | Score: 0 | Read More... |
| |
| | ავსტრია საქართველოსთან ეკონომიკური თანამშრომლობის გაღრმავებით არის დაინტერესებული |  | Business & Economics |
 ავსტრიის მთავრობა საქართველოსთან ეკონომიკურ სფეროში თანამშრომლობის გაღრმავებით არის დაინტერესებული. ამის შესახებ ოთხშაბათს, 25 ოქტომბერს, ვენაში ქართველ ჟურნალისტებთან ინტერვიუში განაცხადა ავსტრიის ეკონომიკის მინისტრმა რაინჰოლდ მიტერლენერმა საქართველოს ეკონომიკისა და მდგრადი განვითარების სამინისტროს უფროსთან ვერონიკა ქობალიასთან (ნაჩვენებია თბილისური ტელეარხების მიერ) შეხვედრის დასრულების შემდეგ. მიტერლენერმა აღნიშნა, რომ „საუბარია კონკრეტულ სფეროებზე, კერძოდ, ავსტრიულ ინვესტიციებზე საქართველოს ინფრასტრუქტურულ პროექტებში, ტურიზმისა და განახლებადი ენერგიის სფეროებში“. მინისტრმა აღნიშნა, რომ „ავსტრიას „მწვანე“ ენერგეტიკაში დიდი გამოცდილება აქვს, რაც ძალიან გამოსადეგი იქნება საქართველოსთან თანამშრომლობაში“.
|
|
Posted by Drakula | 26 Oct 2011, 20:06 | comments | ეკონომიკა | Score: 0 | Read More... |
| |
| | დასახელდა მსოფლიოში საუკეთესო მუსიკალური ჯგუფი | | World News |
 ბრიტანულმა მუსიკალურმა ჟურნალმა „Q“ მის მიერ დაწესებული ჯილდოები გადასცა. გამარჯვებულთა სია გამოცემის ოფიციალურ საიტზე გამოქვეყნდა. ნომინაცია „თანამედროვეობის საუკეთესო ჯგუფი“ ჯილდო გადაეცა ბრიტანულ კოლექტივს Coldplay. ჯილდო ჯგუფს ჟურნალ Q- მკითხველთა ღია გამოკითხვის შედეგებით მიენიჭა. პრემიის მიღებისას Coldplay-ის ვოკალისტმა კრის მარტინმა მოკრძალებით განაცხადა, რომ თავის ჯგუფს მსოფლიოში საუკეთესოდ არ მიიჩნევს“. „არა, საუკეთესო ჯგუფი არის U2. ჩვენ სადღაც მეშვიდე ადგილზე ვართ“, - მოჰყავს მუსიკოსის სიტყვები ჟურნალ Billboard-ს.
|
|
Posted by Drakula | 26 Oct 2011, 20:05 | comments | შოუ-ბიზნესი | Score: 0 | Read More... |
| |
|
ეკონომიკის საკითხების ექსპერტის შოთა მურღულიას აზრით, „დამატებითი სახელმწიფო ვალის აღება მიზანშეწონილია იმ შემთხვევაში, თუ ეს ფული ქვეყნის ეკონომიკურ განვითარებას მოხმარდება“. ასეთი კომენტარი გაუკეთა მურღულიამ საქართველოს პრეზიდენტის მიხეილ სააკაშვილს გუშინდელ განცხადებას, რომლის თანახმადაც „სახელმწიფომ თამამად უნდა გააგრძელოს ვალების აღება“.
საქართველოს ეროვნული ბანკის პრეზიდენტმა გიორგი ქადაგიძემ პარლამენტს 2010 წლის ანგარიში წარუდგინა. როგორც მან საბიუჯეტო-ფინანსური კომიტეტის სხდომაზე განაცხადა, 2010 წელი ძალიან პოზიტიური იყო, ეკონომიკური მაჩვენებლები კრიზისამდელ პერიოდს დაუბრუნდა, ხოლო უმრავლესი მიმართულებით, გადააჭარბა მათ.
საპარლამენტო უმრავლესობის ერთ-ერთი ლიდერის პავლე ყუბლაშვილის აზრით, „რუსეთის პრემიერ-მინისტრი ვლადიმირ პუტინი ბიძინა ივანიშვილის მიერ ქველმოქმედებით შექმნილ იმიჯს თავისი პოლიტიკური მიზნებისთვის იყენებს“. ამის შესახებ ყუბლაშვილმა გაზეთ „ვერსიისთვის“ მიცემულ ინტერვიუში განაცხადა.
საქართველოს ხელისუფლებები „სახალხო კრების“ წინააღმდეგ ტერორის განხორციელებას აგრძელებენ, ნათქვამია გაერთიანების განცხადებაში, იუწყება “GHN“. მათი განცხადების თანახმად, 24 ოქტომბერს მათ ერთ-ერთ აქტივისტს ზურაბ ხუციშვილს, ვითომ-და, ნარკოტიკების ყიდვა-გაყიდვისთვის 8 წელი მიესაჯა.
უმსხვილესმა ინტერნეტ-მაღაზია Amazon-მა თავისი პლანშეტური კომპიუტერის პრეზენტაციის შემდეგ ერთ თვეში გამოაქვეყნა მონაცემები კვარტლური მოგების 73%-ით შემცირების შესახებ, იტყობინება Reuters. მონაცემების თანახმად, მესამე კვარტალში Amazon.com Inc.-ის მოგებამ 63 მილიონი დოლარი შეადგინა. ერთი წლის წინ იგი 231 მილიონს უდრიდა.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}