Translation tool beta version. Translation quality may be not a good
| პოლიტიკა: ყუბლაშვილი: პუტინი ივანიშვილის იმიჯს თავისი პოლიტიკური მიზნებისთვის იყენებს |  | Georgian News | |
 საპარლამენტო უმრავლესობის ერთ-ერთი ლიდერის პავლე ყუბლაშვილის აზრით, „რუსეთის პრემიერ-მინისტრი ვლადიმირ პუტინი ბიძინა ივანიშვილის მიერ ქველმოქმედებით შექმნილ იმიჯს თავისი პოლიტიკური მიზნებისთვის იყენებს“. ამის შესახებ ყუბლაშვილმა გაზეთ „ვერსიისთვის“ მიცემულ ინტერვიუში განაცხადა.„რუსეთთან ივანიშვილის კავშირზე, მემგონი, მეტი კითხვა არაა. მისი საბჭოს წევრები კომენტარებისას აცხადებენ, რომ მას რუსულ წრეებში დიდი გავლენა აქვს. მე პირიქით ვიტყოდი: ეს ნაცნობობა არა მის გავლენაზე, არამედ პირიქით, რუსული პოლიტიკური წრეებისა და, მოცემულ შემთხვევაში, ვლადიმირ პუტინის გავლენაზე მეტყველებს. პუტინი ყველაფერს თავისი პოლიტიკური მიზნებისთვის იყენებს, მათ შორის იმ პროექტებსაც, რომლებიც აქამდე ბიძინა ივანიშვილმა საქართველოში განახორციელა. საუბარია იმ იმიჯის სტრატეგიულ გამოყენებაზე, რომელიც ივანიშვილის ქველმოქმედების წყალობით აქვს“, - განაცხადა ყუბლაშვილმა. დეპუტატის თქმით, „როდესაც ადამიანი აცხადებს, რომ 2008 წელს ომი საქართველომ დაიწყო, იგი მართალი არ არის არც ქვეყნის, არც საკუთარი თავის წინაშე“. „როდესაც შენი პირველი განცხადება ამდენად პრორუსულია, გამოდის, რომ შენ პრორუსულ ორიენტაციას ემხრობი. ვიღაცას, შესაძლოა, მოსწონს, რომ ივანიშვილი რუსული პროექტია, მაგრამ ჩემი შეფასებები ამ საკითხის თაობაზე ერთმნიშვნელოვანია. აიღეთ მის მიერ დაფინანსებული ნებისმიერი პროექტი და შეხედეთ. ჩვენ რომ გვცოდნოდა, რომ ეს ადამიანი პოლიტიკაში წავიდოდა და ამ ყველაფერს ამისათვის აკეთებდა, ამის შეფასებაც ხომ სხვაგვარი იქნებოდა?! მეტსაც ვიტყვი, მივესალმებოდი ბიძინა ივანიშვილის მიერ თავისი საქმიანობის გაგრძელებას, ეს რომ არ ყოფილიყო პუტინის მორიგი თამაშის ნაწილი. სწორედ ივანიშვილის კონკრეტული შეფასებები გვაძლევს შესაძლებლობას, ვიმსჯელოთ მასზე“, - განაცხადა ყუბლაშვილმა. Source - Грузия Online
Share to:https://www.aspurcela.ge/asp-News_-_file_-_article_-_sid_-_3759.html
| |||
| Posted by Drakula | 27 Oct 2011, 18:51 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.21 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.