სომხეთის ეროვნულმა ავიაკომპანია „არმავიამ“ შეაჩერა ერევანი-თბილისის მარშრუტით ავიარეისების შესრულება. ამის შესახებ იტყობინება კომპანიის პრეს-მდივანი ნანა ავეტისოვა. მან აღნიშნა, რომ აღნიშნული რეისი ზარალიანია.

„ერევანი-თბილისის მარშრუტით უკანასკნელი რეისი 13 იანვარს განხორციელდა. როგორც წესი, თბილისის მიმართულებით ფრენები ზამთრის პერიოდში ზარალია, რის გამოც ჩვენ გადავწყვიტეთ, შეგვეჩერებინა რეისების შესრულება“, - განაცხადა ავეტისოვამ.

კომპანიამ თბილისის მიმართულებით რეისების განხორციელება 2009 წლის მარტიდან დაიწყო. რეისების შესრულება დროებით შეჩერდა 2010 წლის ზამთრის პერიოდშიც.