უახლოეს მომავალში საქართველოს მთავრობა აქცენტებს გააკეთებს ტურისტული ინფრასტრუქტურის განვითარებაზე რაჭასა და ბორჯომის ხეობაში. ამის შესახებ ეკონომიკისა და მდგრადი განვითარების მინისტრმა ვერა ქობალიამ აზერბაიჯანის გამოცემა Business Time-სათვის მიცემულ ინტერვიუში განაცხადა.

„მოცემული მომენტისათვის ტურისტული ინფრასტრუქტურა ვითარდება კახეთში, სვანეთსა და აჭარაში. უახლოეს მომავალში აქცენტები გაკეთდება ისეთ რეგიონებზე, როგორებიცაა რაჭა და ბორჯომის ხეობა. ასევე აუცილებელია აღინიშნოს უძველესი ქალაქის ქუთაისის რეაბილიტაცია, რომლის გარშემოც ტურისტული ინფრასტრუქტურა განვითარდება. ასევე მცხეთისა და სიღნაღის რეაბილიტაცია. პრიორიტეტული მიმართულებებია სერვისის დონე, რომლის მიზნითაც ჩვენი უწყება მუდმივად ატარებს სხვადასხვა ტრენინგებს“, - აღნიშნა ქობალიამ.