საქართველოს მოქალაქეები მოსკოვში დომოდედოვოს აეროპორტში ტერაქტის დროს დაღუპულთა და დაშავებულთა შორის არ ირიცხებიან, იტყობინება „GHN“.

გამოქვეყნებული სიების თანახმად, დაღუპულთა შორის არის 8 უცხოელი მოქალაქე, მათ შორის დიდი ბრიტანეთიდან, გერმანიიდან, სლოვაკეთიდან, ტაჯიკეთიდან, უზბეკეთიდან და ყირგიზეთიდან.

შეგახსენებთ, რომ გუშინ დომოდედოვოს საერთაშორისო აეროპორტში მოხდა აფეთქება, რომლის შედეგადაც დაიღუპა 35 და დაშავდა 200-მდე ადამიანი. აფეთქების ადგილას რუსმა სამართალდამცავებმა სავარაუდო ამფეთქებლის თავი აღმოაჩინეს. აფეთქების ძალა 5-10 კგ ტროტილის ეკვივალენტს შეადგენდა.