შემოსავლების სამსახურის ახალი სერვისი კრიტიკის ობიექტი ხდება. კერძოდ, იმისათვის, რომ სამსახურის სპეციალისტებმა განუმარტონ მეწარმეებს ახალი საგადასახადო კოდექსის ესა თუ ის სტატიები, მათ 5 000-დან 10 000 ლარამდე თანხის გადახდა მოუწევთ.

მცირე და საშუალო მეწარმეთა ასოციაციაში აცხადებენ, რომ მსხვილი კომპანიებისათვის 5000-10000 ლარის გადახდა სირთულე არ იქნება, მცირე მეწარმეებისათვის კი აღნიშნული თანხა საკმაოდ მაღალია. ასოციაციის აღმასრულებელი დირექტორის თქმით, ასეთი სახის სერვისი უფასო უნდა იყოს. ლევან კალანდაძე მიიჩნევს, რომ ეს სერვისი ფუფუნების ჯგუფიდანაა, და თუ ტარიფი შემცირდება, სერვისი მეტ სარგებელს მოიტანს.

შემოსავლების სამსახურმა ახალი სერვისი მეწარმეებს შარშან შესთავაზა. სამსახურში მიიჩნევენ, რომ ახალი სერვისი შესაძლებლობას მისცემს მეწარმეებს, სწორად გადაიხადონ გადასახადები და თავიდან აიცილონ საჯარიმო სანქციები.