2010 წელს ექსპორტირებულ იქნა 14  595  008 ბოთლი ქართული ღვინო. ოფიციალური მონაცემებით, წლის განმავლობაში ექსპორტი 44  ქვეყანაში განხორციელდა. მათ შორის პირველ ადგილზეა უკრაინა (7  463  629  ბოთლი), მეორეზე - ყაზახეთი (2  061  933  ბოთლი), მესამეზე - ბელარუსი (1  170  341  ბოთლი).

2010 წლის განმავლობაში ქართული ღვინოს წარმოებისა და ექსპორტის ზრდა ხაზი გაუსვა სოფლის მეურნეობის მინისტრმა ბაკურ კვეზერელმა. როგორც მან წლის შემაჯამებელ ღონისძიებაზე განაცხადა, თუ 2009 წელს ღვინის ქარხნებმა 13 მლნ 800 ათასი ბოთლი გამოუშვეს, 2010 წელს ამ მაჩვენებელმა 15 მლნ 800 ათასი შეადგინა.

მინისტრის თქმით, ეს ნიშნავს, რომ საქართველოში მეღვინეობის სექტორი თანდათანობით ვითარდება.