გამყიდველთა განცხადებით, მომხმარებელი პასიურია, ამის მიზეზი კი ხილზე ფასების 100%-იანი ზრდაა.

ტროპიკული ხილის რეალიზატორები ამბობენ, რომ გასულ წელთან შედარებით მათი პროდუქციის გაყიდვები დაახლოებით 20-25%-ით შემცირდა, რაც ბოლო წლების ყველაზე მკვეთრი ვარდნაა. დისტრიბუტორთა თქმით, მომხმარებელი ძირითადად უპირატესობას ანიჭებს ადგილობრივ პროდუქციას.

მოცემულ ეტაპზე ერთი ცალი ანანასის ღირებულება 15-18 ლარია, შარშან კი მისი შეძენა 11 ლარად იყო შესაძლებელი. ბანანების საცალო ფასი არ შეცვლილა და 50-80 თეთრს შეადგენს. ქოქოსი 5 ლარი ღირს, ხოლო 1 კილოგრამი მწვანე ვაშლის ფასი 7 ლარამდე გაიზარდა.

ბაზრებთან შედარებით სუპერმარკეტებში მდგომარეობა უკეთესია: აქ ტროპიკული ხილი მცირე რაოდენობითაა, მაგრამ მაინც იყიდება.