კომპანია „მაგთიმ“ „სილქნეტის“ წინააღმდეგ საჩივარი აღძრა. ქსელური კავშირის კომპანია კონკურენტებს მომხმარებელთა მოტყუებაში ადანაშაულებს და კომუნიკაციათა კომისიისაგან რეაგირებას მოითხოვს. საუბარია „სილქნეტის“ სარეკლამო რგოლზე, რომელშიც ნათქვამია, რომ მათი 450 ათასი აბონენტი ერთმანეთთან უფასოდ საუბრობს.

„ბიზნეს კურიერის“ ინფორმაციით, თუ მარეგულირებელი კომისია გაიზიარებს „მაგთის“ არგუმენტებს, მაშინ „სილქნეტს“ 30 ათასი ლარით დააჯარიმებენ. ანალოგიური საჩივრის საფუძველზე 90 ათასი ლარით უკვე დაჯარიმდა „ჯეოსელი“.

„სილქნეტში“ აცხადებენ, რომ ბრალდება დაუსაბუთებელია და იმედოვნებენ, რომ კომისია გაითვალისწინებს მათ არგუმენტებს.