საქართველოს პრემიერ-მინისტრი ნიკა გილაური უკმაყოფილოა უცხოური ინვესტიციების შემოდინების ტემპით. როგორც მან გუშინ მინისტრთა კაბინეტის შემაჯამებელ სხდომაზე განაცხადა, იგი უცხოური ინვესტიციების მიხედვით უფრო მაღალ მაჩვენებლებს ისურვებდა.

„ჩვენ უკეთესი კერძო პირდაპირი ინვესტიციების მოლოდინში ვართ. პირველი სამი კვარტლის გამოთვლებით ინვესტიციები 450-460 მლნ დოლარს შეადგენს, რაც მაღალი ციფრი არაა. მე უფრო მაღალ მაჩვენებლებს ვისურვებდი“, - თქვა მან.

პრემიერ-მინისტროს აზრით, 2010 წლის მეოთხე კვარტლის მაჩვენებლები წინებზე უკეთესი იქნება.

„ველოდებით, რომ მეოთხე კვარტალი კარგი იქნება, თუმცა ჯამობრივი ინვესტიციები ასეთი მაღალი არ იქნება. ვიმედოვნებ, 2011 წლის მაჩვენებლები უკეთესი აღმოჩნდება“, - აღნიშნა მან.