„კრიზისულ პერიოდს „კავკაზუს ონლაინზე“ დიდი გავლენა არ მოუხდენია, ვინაიდან კომპანიამ მოცემულ პერიოდში მსხვილი პროექტების განხორციელება დაიწყო“, - ამის შესახებ კომპანიის ხელმძღვანელმა რადიო „კომერსანტის“ ეთერში განაცხადა.

გია ადეიშვილის თქმით, 2010 წელს „კავკაზუს ონლაინმა“ ეთერში ინტერნეტ-ტელევიზია გაუშვა, რაშიც 16 მლნ დოლარი იქნა დაბანდებული. დაიწყო მომხმარებელთათვის ინტერნეტის მასშტაბური გადაცემის პროექტიც, რაშიც 13 მილიონის ინვესტიცია განხორციელდა. კომპანიის ხელმძღვანელის თქმით, პროექტის წყალობით მომხმარებელი დღევანდელ ინტერნეტზე 30-ჯერ უფრო მძლავრ ინტერნეტს მიიღებს.

მისი ინფორმაციით „კავკაზუს ონლაინი“ მომსახურებისა და ხარისხის ევროპულ სტანდარტებს ნერგავს. ადეიშვილი ირწმუნება, რომ ახალი პროექტები ფასების ზრდას არ გამოიწვევს.