2011 წლის 1 იანვრიდან ძალაში შედის მთავრობის დადგენილება „შემოსავლებისა და აკრძალული საქმიანობის სახეობების განსაზღვრის შესახებ მიკრო და მცირე ბიზნესის სტატუსის მქონე პირთათვის, რომლებიც არ დაიბეგრებიან გადასახადით ან/და რომლებზეც არ ვრცელდება საშემოსავლო გადასახადის სპეციალური დაბეგვრის რეჟიმები“.

დადგენილებაში ჩამოთვლილია მიკრო ბიზნესის ის სახეობები, რომლებიც 30 ათასიანი წლიური ბრუნვის მიუხედავად შეინარჩუნებს მცირე ბიზნესის სტატუსს და არ დაიბეგრება გადასახადით. მოცემულ ჩამონათვალში კი განსაზღვრულია ბიზნესის სახეობები, რომლებიც სპეციალურ ლიცენზიას საჭიროებს და მიუხედავად შემოსავლის მოცულობისა, მაინც დაიბეგრება გადასახადით.