„პრაიმ-ტაიმმა“ გამოაქვეყნა წლის რეიტინგები ტელეკომპანიებს შორის. ნომინაციებში გამარჯვებულთა გამოვლენის მიზნით თბილისის მოქალაქეები იქნა გამოკითხული.

გამოკითხვის შედეგებით, მოსახლეობა უფრო ხშირად უყურებს „რუსთავი-2“-ის გადაცემებს, მათ შორის ყველაზე ინტენსიურად მის საინფორმაციო პროგრამა „კურიერს“. საუკეთესო წამყვანად დასახელდნენ ასევე „რუსთავი-2“-ის წარმომადგენლები - ზაალ უდუმაშვილი და გვანცა დარასელია.

რეიტინგებში ასევე ლიდერობს „რუსთავი-2“-ის პროგრამები: „დილა მშვიდობისა, საქართველო“ და „პროფილი“. დღის პროგრამებში ლიდერობს ტელეკომპანია „იმედის“ „დღის შოუ“.

კომედიურ სერიალებში ლიდერობას ინარჩუნებს „შუა ქალაქში“ („იმედი“).

მუსიკალურ პროგრამებს შორის პირველ ადგილზეა „ჯეოსტარი“ („რუსთავი-2“).

პოლიტიკურ ტოკ-შოუებს შორის ლიდერია ტელეკომპანია „კავკასიის“ პროგრამა „ბარიერი“.