ქართული რესტორნების მენიუში მითითებული იქნება, რომ საქართველოს ტერიტორიათა 20% რუსეთის მიერაა ოკუპირებული. განათლების, მეცნიერებისა და კულტურის საპარლამენტო კომიტეტმა განიხილა და მოიწონა დეპუტატ შოთა მალაშხიას ინიციატივა, რომელიც ითვალისწინებს შესწორებებს კანონში „ოკუპირებული ტერიტორიების შესახებ“.

მალაშხიას განცხადებით, „ჩვენ ყოველდღიურად უნდა შევახსენოთ საქართველოს მაცხოვრებლებს, ხოლო ჩამოსულმა ტურისტებმა უნდა იცოდნენ, თუ როგორ მდგომარეობაშია ქვეყანა, რომ ტერიტორიათა 20% ოკუპირებულია. კერძო კომპანიები, იქნება ეს, მაგალითად, სავაჭრო ქსელები ან ქსელური კავშირის კომპანიები, ვალდებულენი იქნებიან, სარეკლამო ბუკლეტებში, ბროშურებში მიუთითონ ფრაზა: „საქართველოს ტერიტორიათა 20% ოკუპირებულია“. მისივე თქმით, ასეთივე ვალდებულებები რესტორნებსა და კაფეებს დაეკისრება. „ტურისტმა უნდა იცოდეს, რომ თანხა, რომელსაც იგი ხარჯავს, ქვეყნის დეოკუპაციასა და განვითარებას ხმარდება“.