2010 წლის 10 თვის მონაცემებით, საქართველოში უძრავი ქონების მაჩვენებელი 23%-ით გაიზარდა. ამის შესახებ საქართველოს პრემიერ-მინისტრმა ნიკა გილაურმა დღეს სამთავრობო სხდომაზე განაცხადა. მისი სიტყვებით გაიზარდა ტრანზაქციათა მოცულობა უძრავი ქონების ბაზარზე, ასევე ავტომანქანათა რეგისტრაციების რიცხვი. როგორც პრემიერმა თქვა, ავტომანქანების რეგისტრაციათა რაოდენობა 33%-ით გაიზარდა.

„გაიზარდა ტრანზაქციათა მოცულობა უძრავი ქონების ბაზარზე და ავტომანქანათა რეგისტრაციების რიცხვი. მაგალითად, უძრავი ქონების რეგისტრაცია გაიზარდა 23%-ით, ხოლო ავტომანქანათა რეგისტრაცია - 33%-ით“, - განაცხადა გილაურმა.

პრემიერ-მინისტრმა მთავრობის წევრებს ზემოთმითითებული პერიოდის მაკროეკონომიკური მაჩვენებლებიც გააცნო.

როგორც გილაურმა აღნიშნა, 2009 წელთან შედარებით საქართველოში ვიზიტიორთა რაოდენობა 38%-ით იმატა. მისივე სიტყვებით ეს ნიშნავს, რომ საქართველოში ტურიზმის მაჩვენებელი იზრდება.

„მიმდინარე წელს ვიზიტიორთა რაოდენობა 2 მილიონს გადააჭარბებს, რაც საქართველოსათვის მაღალი მაჩვენებელია“, - განაცხადა გილაურმა.