მიმდინარე წლის პირველი სამი კვარტლის მონაცემებით, საქართველოში ეკონომიკის ზრდა 6.5 %-ის დონეზე დაფიქსირდა.

როგორც „საქსტატი“ იტყობინება, მესამე კვარტალში, წინა წლის ანალოგიურ პერიოდთან შედარებით, ეკონომიკა 6.7%-ით გაიზარდა.

მშპ-ის მაჩვენებელმა მიმდინარე ფასებში 5 394.8 ლარი შეადგინა, რაც წინა წლის ანალოგიური პერიოდის მაჩვენებელზე 17.5%-ით მეტია.

„მესამე კვარტალში გადამამუშავებელ მრეწველობაში დაფიქსირდა ზრდა 18.3%-ით, სასტუმრო და სარესტორანო ბიზნესში - 15.7%-ით; სატრანსპორტო მომსახურებებში - 13.9%-ით; ფინანსურ შუამავლობაში - 12.2%-ით; ვაჭრობაში - 11.7%-ით. - აცხადებენ „საქსტატში“.