ოქროს ნაკეთობების მწარმოებელი ერთადერთი ქართული კომპანია „ზარაფხანა“ მომავალ წელს აზერბაიჯანულ ბაზარზე შესვლას გეგმავს.

კომპანიის წარმომადგენელთა განცხადებით, გეგმებში შედის მოცემული მიმართულებით გაფართოება. „ზარაფხანა“ გაფართოებას საქართველოს მასშტაბითაც გეგმავს და მომავალ წელს ბათუმში კიდევ ერთ მაღაზიას გახსნის.

დღეისათვის კომპანია მთელი ქვეყნის მასშტაბით 7 მაღაზიას ფლობს. მათი გამოთვლებით, 2010 წლის ბოლოს, წინა წელთან შედარებით, კომპანიის გაყიდვები 25%-ით გაიზრდება.