2011 წელს თბილისის მეტროპოლიტენის მუშაობის გრაფიკი შესაძლოა ორი საათით შემცირდეს. თუმცა მეტროპოლიტენის გენერალური დირექტორი ლევან კოპლატაძე ირწმუნება, რომ მსგავსი არაფერია დაგეგმილი.

მეტროპოლიტენის ერთ-ერთ ოპერატორზე მინიშნებით ელექტრონული მასმედიის საშუალებები იტყობინებიან, რომ მომავალი წლიდან მეტრო დილის 7 საათიდან 23 საათამდე იმუშავებს. ამი მიზეზად ელექტროენერგიის გადახარჯვა სახელდება.

დღეს თბილისის მეტრო დილის 6 საათიდან 24 საათამდე მუშაობს.

შეგახსენებთ, რომ მიმდინარე წელს უკვე შეტანილ იქნა შესწორებები გრაფიკში და ელექტროენერგიის ეკონომიის მიზნით მატარებლებს შორის ინტერვალები 10 წუთამდე გაიზარდა.