ავიაკომპანია „სქაი ჯორჯიას“ კრედიტორებს შორის სასამართლო დავა დაიწყო.

კრედიტორების ნაწილი მოითხოვს სასამართლოს შედეგების გაუქმებას და ახალი მმართველის დანიშვნას.

კომპანიის ხელმძღვანელის თქმით, ამჟამინდელი მმართველი „სქაი ჯორჯიას“ ფინანსური მდგომარეობის გასაუმჯობესებლად არაფერს აკეთებს. ამიტომ კრედიტორებმა სააპელაციო სასამართლოს მიმართეს.

კომპანიაში არსებული ფინანსური პრობლემების თაობაზე მენეჯმენტმა წინა თვეში სპეციალური განცხადება გაავრცელა. მასში მითითებული იყო, რომ კომპანიას 5 მილიონიანი საკრედიტო დავალიანება ჰქონდა. კრედიტორთა შორისაა „ლილო სითი“, „BP საქართველო“, „ჯორჯიან პეტროლიუმი“, „ბელავია“, „ვითიბი ბანკი“ და „ლიბერთი ბანკი“. კრედიტორთა სიტყვებით, ნოემბერში მოსამართლემ, კრედიტორთა თანხმობის გარეშე, „ლიბერთის“ კანდიდატურა დანიშნა.