საქართველოში აშშ-ის საელჩოს დემოკრატიის კომისიის მცირე საგრანტო კომისიის მონაწილეებს სერტიფიკატები გადაეცათ. ისინი თუშეთში განლაგებული კერძო სასტუმროების მფლობელებს ელჩმა ჯონ ბასმა პირადად გადასცა.

„აშშ-ის საელჩოსთვის საქართველოსთან თანამშრომლობა ტურიზმის სფეროში ძალიან მნიშვნელოვანია. მე უკვე ორჯერ ჩამოვსულვარ თუშეთში და ვიმედოვნებ, მსგავსი შესაძლებლობა ისევ გამომიჩნდება. წარმატებული ტერიტორიული განლაგების გამო, ამ რეგიონს ტურისტთა დიდი რიცხვის მოზიდვის პოტენციალი აქვს“, - აღნიშნა ბასმა.

მცირე საგრანტო პროგრამის მცირე გრანტის ფარგლებში (18 957 დოლარი) არასამთავრობო ორგანიზაციებმა „ალვანი 2000“-მა და „ელკანამ“ თუშეთში არსებული სასტუმროების მფლობელებს სასტუმრო მმართველობის ტრენინგები ჩაუტარეს. ტრენინგები ასევე ჩაუტარდათ ფერმერებს ორგანული პროდუქტების წარმოების საკითხებში. პროგრამის ფარგლებში შეიქმნა ადგილობრივი ტურიზმის ასოციაციაც.