„პირველი ქართული ბიო პროდუქტის“ მიერ წარმოებული ბიოღვინო „ბიო საფერავი“ კანადაში გაიყიდება. ამი შესახებ განაცხადა კომპანიის დამფუძნებელმა გივი ნიკოლაიშვილმა. მისი თქმით, ღვინის პირველი პარტია - 1200 ბოთლი - უკვე გაიგზავნა ტორონტოში. მარტში კი დაგეგმილია კიდევ 5 ათასი ბოთლის ექსპორტი. ნიკოლაშვილის განმარტებით, მომავალი წლისთვის, გარდა „ბიო საფერავისა“, კომპანია ბიოლოგიური თეთრი ღვინოებისა და ქვევრის ღვინოების წარმოებას გეგმავს.

„პირველი ქართული ბიო პროდუქტი“ ბიოღვინოს 1999 წლიდან უშვებს. დღეისათვის ყოველწლიურად 30 ათასზე მეტი ბოთლი გამოიშვება. პროდუქციის ფასი 15-დან 20 ლარამდე მერყეობს. 2010 წელს ტორონტოში გამართულ ფესტივალზე „ბიო საფერავმა“ საუკეთესო „ორგანიკ ღვინის“ ტიტული მიიღო.