თბილისის მერია გარკვეულ ხაზებზე ავტობუსების დამატებას გეგმავს. ამის შესახებ ჟურნალისტებთან საუბრისას განაცხადა დედაქალაქის საკრებულოს ფინანსურ-საბიუჯეტო კომისიის თავმჯდომარემ თამაზ შოშიაშვილმა.

დღეს ფრაქცია „ქრისტიან-დემოკრატების“ წევრებმა, ქალაქში წარმოქმნილი ტრანსპორტის პრობლემის გადაჭრის მიზნით, დედაქალაქში საავტობუსო ხაზებზე, სულ ცოტა, ერთი მარშრუტის დამატება მოითხოვეს.

„დაგეგმილია ავტობუსების დამატება იქ, სადაც ისინი არასაკმარისია. ეს პროცესი მომავალშიც გაგრძელდება“, - აღნიშნა შოშიაშვილმა.

მისი თქმით, დღეისათვის მოქმედებს 92 ხაზი, რომლებზედაც 477 ავტობუსია ამოქმედებული.