2011 წლის 1 იანვრიდან ცხინვალის რეგიონის ოკუპირებულ ტერიტორიაზე გაძვირდება ელექტროენერგიის ტარიფები. როგორც ინფორმაციული სააგენტო „ОСинформ“ აცხადებს, ზრდა შეადგენს 30%-ს + 10% დღგ.

„ახალი ტარიფი იქნება 1 რუბლი და 14 კაპიკი, ნაცვლად 80 კაპიკისა, რომლებსაც მოსახლეობა წელს იხდიდა. აღნიშნული ტარიფი მხოლოდ მოსახლეობისათვის იმოქმედებს, ხოლო მეწარმეებისათვის ღირებულება 1 რუბლამდე და 43 კაპიკამდე გაიზრდება“, - აღნიშნა მარიონეტული ეკონონომიკის განვითარების მინისტრმა კოლიევმა.

მან ასევე განაცხადა, რომ ტარიფის გაზრდა ეტაპობრივად იწარმოებს: 30%-ით ყოველ ნახევარწლედში სამი წლის განმავლობაში.

როგორც აღნიშნავენ, გაზზა და წყალზე ტარიფების ანალოგიური გაზრდა რესპუბლიკაში მოსალოდნელი არაა.