საქართველოს ეროვნული ბანკის ინიციატივით, ფინანსთა სამინისტრომ კომერციულ ბანკებთან ურთიერთთანამშრომლობის მემორანდუმი გააფორმა. შეთანხმების თანახმად, ფინანსთა სამინისტრო ვალდებულებას იღებს, გადასცეს ბანკებს სრული ისტორია კეთილსინდისიერი გადამხდელების მიერ ვალდებულებათა შესრულების შესახებ.

თავის მხრივ, კომერციული ბანკები ივალდებულებენ, კეთილსინდისიერ მეწარმეებს კრედიტების გაცემის დროს გაუწიონ გამარტივებული და საშეღავათო საბანკო მომსახურება, გაითვალისწინონ გადამხდელთა საგადასახადო ისტორია და მაქსიმალურად უზრუნველყონ მათ მიერ ბიზნეს-იდეების დაფინანსება.

მემორანდუმის მიზანია საბანკო კრედიტისადმი ხელმისაწვდომობისა და კეთილსინდისიერი გადამხდელების წახალისების გზით ეკონომიკის განვითარებისა და საკრედიტო აქტივობის ამაღლების ხელშეწყობა.