2010 წლის მესამე კვარტალში საქართველოს სამრეწველო ბრუნვამ 1 352.0 ლარი შეადგინა, რაც 33%-ით მეტია, ვიდრე წინა წლის ანალოგიური პერიოდის მაჩვენებელი, და 9%-ით მეტია, ვიდრე წინა კვარტლის მაჩვენებელი.

მესამე კვარტალში წარმოებულ იქნა 1 204.0 მლნ ლარის პროდუქცია, რაც 12%-ით მეტია, ვიდრე 2010 წლის მეორე კვარტალში.

მიმდინარე წლის მესამე კვარტალში სამრეწველო სფეროში დასაქმებულთა რიცხვმა 87 706 ადამიანი შეადგინა.

ეკონომიკური საქმიანობის მიხედვით საანგარიშო პერიოდში გამოშვებული პროდუქციის 78.9% მოდის გადამამუშავებელ სექტორზე (მეორე კვარტალთან შედარებით მესამე კვარტალში გადამამუშავებელი სექტორის პროდუქცია 17.2%-ით გაიზარდა).

გადამამუშავებელ სექტორს მოსდევს წყლისა და ელექტროენერგიის წარმოება და გადანაწილება - 15.3% და სამთომომპოვებელი მრეწველობა - 5.8%.