მიმდინარე წლის მესამე კვარტალში საქართველოში დაქირავებული მუშების საშუალო ნომინალურმა ხელფასმა 609,5 ლარი შეადგინა.

როგორც სტატისტიკის ეროვნულ სამსახურში იტყობინებიან, მოცემული მაჩვენებელი 7.2%-ით აჭარბებს წინა წლის ანალოგიური პერიოდის მაჩვენებელს და 1.8%-ით - წინა კვარტლის მაჩვენებელს.

„საქსტატის“ მონაცემებით, მესამე კვარტალში დაქირავებულ მამაკაცთა საშუალო ნომინალურმა ხელფასმა შეადგინა 736,3 ლარი, ხოლო დაქირავებულ ქალბატონთა ხელფასმა - 433,8 ლარი.

ამასთანავე, სამეწარმეო სფეროში დაქირავებულთა საშუალო ხელფასმა 621,3 ლარი, ხოლო არასამეწარმეო სფეროში - 595,3 ლარი შეადგინა.