ავიაკომპანია „პეგასუსს“ ამ დღეებში ევროპაში არც ერთი რეისი არ გადაუდია.

როგორც კომპანიის გენერალურმა დირექტორმა ლევან ელიზბარაშვილმა განაცხადა, ბოლო რამდენიმე დღს განმავლობაში ვრცელდება ინფორმაცია ევროპაში რიგი აეროპორტების დახურვის შესახებ. ამ აეროპორტებს შორისაა „ჰითროუ“ ლონდონში, „შარლ დე გოლი“ პარიზში. თუმცა, მისი თქმით, რეისები ლონდონში, პარიზსა და სხვა ევროპის დედაქალაქებში, მათ შორის რომსა და მიუნხენში სხვა აეროპორტების მეშვეობით ხორციელდება.

„პეგასუსს“ არც ერთი რეისი არ გადაუდია და წინასაახალწლო დღეებშიც ჩვეულებრივ რეჟიმში განაგრძობს ფრენებს“, - განაცხადა ელიზბარაშვილმა.