ამ ეტაპზე მთავრობა არ აპირებს მცირე ბიზნესის შესახებ კანონის ინიცირებას, რომლის პროექტიც მცირე და საშუალო საწარმოების ასოციაციამ შეიმუშავა.  

ასოციაციის ინფორმაციით, მთავრობისაგან მიღებული პასუხი იმას მოწმობს, რომ მინისტრთა კაბინეტში კანონპროექტს ზედაპირულად გაეცნენ.  

ასოციაციის აღმასრულებელი დირექტორის ლევან კალანდაძის თქმით, კანონპროექტი მცირე ბიზნესის სტიმულირების ახალ რეგულაციებსა და მექანიზმებს სთავაზობდა, მაგრამ, როგორც აღმოჩნდა, მთავრობა ამ მიმართულებებს პრიორიტეტებად არ მიიჩნევს.