თბილისში გართულებულია მუნიციპალური ავტობუსებით გადაადგილება. როგორც სააგენტო IPN იტყობინება, რომელმაც თბილისის ქუჩებზე რამდენიმე ვიდეოკადრი გადაიღო, დედაქალაქის ზოგიერთ რაიონში მგზავრებს თითქმის 40 წუთის განმავლობაში უწევთ ავტობუსის ლოდინი, რის შემდეგაც მოდის იმდენად გადატვირთული ავტობუსი, რომ მძღოლი ძნელად აღებს კარს.

როგორც მგზავრები აცხადებენ, მგზავრობის ღირებულება 40-დან 50 თეთრამდე გაიზარდა იმ არგუმენტით, რომ მომსახურებები გაუმჯობესდებოდა, თუმცა, მათი თქმით, სინამდვილეში პირიქით მოხდა.

შეგახსენებთ, რომ თბილისში საავტობუსო ხაზების რაოდენობა 125-დან 92-მდე შემცირდა.