ჩეხური „ენერგო-პრო“ საქართველოს ელექტროგადამცემთა სისტემის შემდეგ ახალი ობიექტის მფლობელი ხდება. რუსული „ენერჯი ინვესტის“ კუთვნილი გაზტურბინების ელექტროსადგური „ენერგო-პროს“ შვილობილი კომპანია „ჯი-პაუერის“ ხელში გადავიდა.

მოცემული კომპანია რამდენიმე კვირის წინ, სპეციალურად აღნიშნული შენაძენისათვის შეიქმნა.

ობიექტის შეძენას წინ უძღოდა „ენერჯი ინვესტის“ ხელმძღვანელის გენო მალაზონიას გათავისუფლება, რომელსაც გადასახადების გადახდისაგან თავის არიდებაში სდებდნენ ბრალს. მაგრამ იგი გათავისუფლებულ იქნა პატიმრობისაგან პროცესუალური შეთანხმების საფუძველზე.