ავეჯის მწარმოებელი ქართული კომპანია „G  სერვისი“ ევროპაში თავისი პროდუქციის ექსპორტსა და ინვესტიციების მოზიდვას გეგმავს. კომპანიის აღმასრულებელი დირექტორის ლაშა ხალვაშის განცხადებით, ისინი უკვე რამდენიმე წელია, წარმატებით ყიდიან ავეჯს აზიური ქვეყნების ბაზრებზე. ამიტომ მიღებულ იქნა გადაწყვეტილება საექსპორტო ბაზრის გაფართოების შესახებ. ამას გარდა, კომპანია მთელ საქართველოში რეგიონალურ ფილიალებს გახსნის.

“G  სერვისი“ ქართულ ბაზარზე 12 წელია არსებობს. ექსკლუზიური ავეჯის დამზადების გარდა კომპანია ინდივიდუალურ შეკვეთებსაც ახორციელებს. დღეისათვის კომპანია თბილისში ორი შოუ-რუმის მფლობელია.