| ხვალ ჟენევის მოლაპარაკებათა მე-14 რაუნდი გაიმართება |  | მსოფლიოს ამბები | |
 ხვალ, 16 დეკემბერს, ჟენევის მოლაპარაკებათა მორიგი, მე-14 რაუნდი გაიმართება. როგორც საქართველოს შსს-ის საინფორმაციო-ანალიტიკური დეპარტამენტის უფროსმა შოთა უტიაშვილმა ჟენევაში გამგზავრებამდე ჟურნალისტებს განუცხადა, მოლაპარაკებებზე ქართული მხარე რუსეთს საქართველოში მომხდარ აფეთქებებში რუსი მაიორის მონაწილეობის დამადასტურებელ მასალას გადასცემს. "ვაპირებთ რუს დიპლომატებს გადავცეთ მასალები, რომელიც შეეხება რუსი მაიორის საქართველოში განხორციელებულ აფეთქებებში მონაწილეობას. ალბათ ამაზე დისკუსიაც გაიმართება", - აცხადებს უტიაშვილი. მისი განმარტებით, მოლაპარაკებებზე პრეზიდენტ სააკაშვილის სამშვიდობო ინიციატივაც გაჟღერდება, რასთან დაკავშირებითაც რუსეთს ოფიციალური პოზიციის დაფიქსირება პირველად შეეძლება. "ჟენევის მოლაპარაკებათა ეს რაუნდი პირველი შეხვედრაა მას შემდეგ, რაც პრეზიდენტმა სააკაშვილმა ძალის გამოუყენებლობის შესახებ ინიციატივა გააჟღერა. ვნახოთ, რა რეაქცია ექნება ამაზე რუსებს", - დასძინა მოლაპარაკებებში ქართული მხარის წარმომადგენელმა. აღსანიშნავია, რომ აღიშნულის გარდა, მოლაპარაკებების მე-14 რაუნდზე ქართული მხარე უსაფრთხოებისა და ადამიანის უფლებების დაცვის საკითხებზე, ასევე რუსეთის მიერ ოკუპირებულ ტერიტორიებზე ბოლო პერიოდში განხორციელებულ ქმედებებზედაც აპირებს საუბარს, მათ შორის ცხინვალთან ახლოს უკანონო შეირაღების განთავსებაზე, ახალგორის მოსახლეობის აღირცხვიანობასა და მათთვის ქონების ჩამორთმევაზე, ასევე ოკუპირებულ ტერიტორიებზე მდებარე ქართული კულტურული ძეგლების ხელწყობასა და სხვა თემებზე. მოლაპარაკებებს ქართული მხრიდან კვლავ გიგა ბოკერია უხელმძღვანელებს, მიუხედავად იმისა, რომ მას უკვე ახალი თანამდებობა აქვს და საგარეო საქმეთა მინისტრის პირველი მოადგილეობიდან - უშიშროების საბჭოს მდივნად გადაიყვანეს. წყარო - GHN
გაუზიარე სხვებს:https://www.aspurcela.ge/asp-News_-_file_-_article_-_sid_-_767.html
| |||
| განათავსა - Legatuss | 15 დეკ. 2010, 16:40 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.08 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.