| მოსახლეობა წყლის საფასურს სამოქალაქო რეესტრის ბაზების საფუძველზე გადაიხდის |  | საქართველოს ამბები | |
|
2010 წლის 9 ნოემბერს საქართველოს იუსტიციის სამინისტროს, რეგიონალური განვითარებისა და ინფრასტრუქტურის სამინისტროსა და შ.პ.ს "საქართველოს გაერთიანებული წყალმომარაგების კომპანიას" შორის თანამშრომლობის ხელშეკრულება გაფორმდა, რომლის თანახმად აბონენტები სასმელი წყლის მიწოდების საფასურს სამოქალაქო რეესტრის ბაზის მონაცემების მიხედვით გადაიხდიან. ხელშეკრულებას ხელი მოაწერეს იუსტიციის მინისტრის მოადგილემ, სამოქალაქო რესტრის სააგენტოს თავმჯდომარემ გიორგი ვაშაძემ, რეგიონალური განვითარებისა და ინფრასტრუქტურის მინისტრის მოადგილემ ლაშა გოცირიძემ და შ.პ.ს "საქართველოს გაერთიანებული წყალმომარაგების კომპანიის" დირექტორმა ირაკლი კვაშილავამ. შეთანხმების თანახმად, სამოქალაქო რეესტრის სააგენტოს ტერიტორიულ სამსახურებში იმუშავებენ "საქართველოს გაერთიანებული წყალმომარაგების კომპანიის" ოპერატორებიც. ამავე სამსახურებში მოხდება ახალი აბონენტის რეგისტრაციაზე განაცხადების მიღება, აბონენტების აღრიცხვასა და დავალიანებასთან დაკავშირებულ საკითხებზე, მოქალაქეებისთვის კონსულტაციის გაწევა და ინფორმაციის მიწოდება. როგორც გიორგი ვაშაძემ განაცხადა, აღნიშნული სიახლით, წყალმომარაგების გადასახადის კუთხით მოწესრიგდება აბონენტთა აღრიცხვიანობა და მოგვარდება საქართველოში მოსახლეობის რეგისტრაციის პრობლემა. ცნობისთვის, აღნიშნული სერვისი არ ეხებათ თბილისის, რუსთავისა და აჭარის რეგიონის მოსახლეობას. ამ სიახლესთან დაკავშირებით ინფორმაციის მიღება შესაძლებელია "ცხელი ხაზის" ნომერზე 72 90 90. წყარო - იუსტიციის სამინისტრო
გაუზიარე სხვებს:https://www.aspurcela.ge/asp-News_-_file_-_article_-_sid_-_76.html
| |||
| განათავსა - teo- | 09 ნოემ. 2010, 10:55 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.10 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.