სამეგრელოში გაზიფიკაციის ინტენსიური პროცესი მიმდინარეობს. როგორც კავკაზ-პრესს კომპანია „ზუგდიდგაზის“ დირექტორმა ლევან ჩანიამ შეატყობინა, ორი წლის განმავლობაში ზუგდიდი და რაიონის ყველა სოფელი გაზიფიცირებული იქნება.

„2011 წელს ზუგდიდის 60-70% გაზიფიცირებული იქნება. ანალოგიური სამუშაოები წარმოებს ხობში, აბაშაში, ფოთში. მანდ სამუშაოებს კომპანია „სოკარი“ აწარმოებს, ხოლო სენაკსა და მარტვილში - კერძო ფირმები“, - აღნიშნა ჩანიამ.

ამ დროისათვის ზუგდიდში გაზს 195 ოჯახი და სამი კომერციული ობიექტი იღებს. თუმცა მილები გაყვანილია და მოსახლეობას სახსრები რომ ჰქონდეს, გაზით 2500 აბონენტი იქნებოდა მომარაგებული.

გაზის გაყვანა და მონტაჟი 400-500 ლარი ჯდება.