აშშ-ში გაიმართა საქართველოს უკვე ექს-ელჩის ბათუ ქუთელიას გამოსამშვიდობებელი საღამო. ამის შესახებ იტყობინება “GHN“.

საღამოს ესწრებოდნენ დიპლომატები, აშშ-ის თავდაცვის სამინისტროს წარმომადგენლები, კონგრესის წარმომადგენლები და ექსპერტები.

„პირადად ჩემთვის ეს ორი წელი ძალიან მნიშვნელოვანი იყო. ეს ორი წელი მნიშვნელოვანი იყო აშშ-საქართველოს პარტნიორობის განვითარების თვალსაზრისით. მე მაქსიმუმის გაკეთება შევეცადე და დღეს შეიძლება ითქვას, რომ ქართულ-ამერიკული ურთიერთობები უფრო დინამიურად ვითარდება, ვიდრე ადრე“, - თქვა ქუთელიამ.

შეგახსენებთ, რომ ბათუ ქუთელია ელჩის პოსტზე ორი წელი მუშაობდა. საქართველოში დაბრუნების შემდეგ იგი უსაფრთხოების საბჭოს მდივნის მოადგილის ადგილს დაიკავებს. აშშ-ში საქართველოს ახალ ელჩად დაინიშნა რეინტეგრაციის საკითხების ყოფილი სახელმწიფო მინისტრი თემურ იაკობაშვილი.