2008 წელს ბრიუსელის საერთაშორისო კონფერენციაზე დონორების მიერ საქართველოსათვის გამოყოფილი 4.5 მლრდ დოლარი შეიძლება კიდევ ნახევარი მილიარდით გაიზარდოს.

ამის შესახებ დღეს საქართველოს ფინანსთა მინისტრმა კახა ბაინდურაშვილმა საქართველოს დონორთა კოორდინაციის სემინარის დაწყების წინ განაცხადა.

მინისტრის თქმით, დონორები საქართველოსათვის დამატებით ნახევარი მილიარდი დოლარის გამოყოფას გეგმავენ.

„ეს პროცესი გრძელდება. ბრიუსელში კონფერენციაზე საქართველოს არა მხოლოდ ფინანსური დახმარება აღმოუჩინეს, არამედ ეს იყო დიდი პოლიტიკური სიგნალიც, ამიტომ მხოლოდ ამ თანხების ათვისებით ისტორია არ სრულდება“, - აღნიშნა ბაინდურაშვილმა.