თბილისში მიმდინარე საერთაშორისო კინოფესტივალის ფარგლებში კინოთეატრ „რუსთაველში“თეატრისა და კინოს სახელმწიფო უნივერსიტეტის კინო-ტელე ფაკულტეტის 2010 წლის სადიპლომო ფილმების ჩვენება გაიმართება.

მაყურებლები იხილავენ ჟანრითა და თემატიკით ერთმანეთისაგან განსხვავებულ შვიდ ნაშრომს, კერძოდ: „ამომავალი მზის ქვეყანა“ - რეჟისორი ნათია ნიკოლაიშვილი; „უარყოფითი რეზუსი“ - ვალერიან კირკიტაძე; „სებასტიანის ისტორია“ - ნინო ჩხეიძე; „უსახელო მცენარე“ - გიორგი ქობალია; „ყვავებზე მონადირე“ - ნიკა გუგუშვილი; „შოკოლადის ნაყინი ძალიან გემრიელია“ - თინათინ ებრალიძე და „ჩიტების მოზამთრე“ - გივი თუხარელი.