მიუხედავად მძიმე წლისა, კომპანია „ჯეოსელი“ მაინც რჩება ქსელური კავშირის ბაზრის ლიდერი. როგორც კომპანიის უფროსი იურისტი სანდრო სადაღაშვილი აცხადებს, დღესდღეობით „ჯეოსელს“ ბაზრის 43.42% უკავია.

მისი თქმით, წინა წლებთან შედარებით, 2010 წელი „ჯეოსელისთვის“ და სხვა კომპანიებისთვის ყველაზე რთული იყო. „აღნიშნული სიმძიმე კომპანიას გადასახადებისა და რეგულაციების თვალსაზრისით დააწვა“, - აღნიშნა იურისტმა.

მიმდინარე წელს მობილური კავშირის ოპერატორებს დაუწესდათ აქციზური გადასახადი, ასევე შეუმცირდათ ურთიერთჩართვის ტარიფები. მომავალში პორტაბელურობის სისტემაზე გადასასვლელად საკმაოდ სოლიდური თანხების დახარჯვა იქნება საჭირო.