ლონდონში გამოცხადდა „Financial Times group“-ის ყოველწლიური საბანკო რეიტინგის შედეგები, რომლებშიც წლის ბანკად კიდევ ერთხელ თიბისი ბანკი დასახელდა.

„Financial Times group“ ყოველწლიურად განიხილავს სხვადასხვა ქვეყნების საბანკო სექტორებს და საუკეთესო ბანკების რეიტინგს ადგენს. მიმდინარე წელს საერთაშორისო ექსპერტებმა 500-ზე მეტი კანდიდატი განიხილეს, რომელთაგან „წლის საუკეთესო ბანკის“ რეიტინგში შეყვანილია 149 ქვეყნის საბანკო სექტორის წარმომადგენლები. „თუ გავითვალისწინებთ, რომ მსოფლიოში სულ 192 ქვეყანაა, შეიძლება ითქვას, რომ ჯილდო „The Banker” მთელ მსოფლიოს მოიცავს“, - ნათქვამია „Financial Times group”-ის განცხადებაში.