„საქართველოს რკინიგზა“ აუმჯობესებს მგზავრთა მომსახურებას და მომხმარებელს ახალ სერვისს სთავაზობს. დღეიდან მგზავრები მატარებლით მგზავრობის ბილეთების შეძებას სწრაფი გადახდის ტერმინალების საშუალებით შეძლებენ, რომელთა დახმარებითაც ხდება კომუნალური მომსახურებების გადახდა და მობილური ტელეფონის ბალანსის შევსება.

ახალი მომსახურების დანერგვის ხელშეკრულება „საქართველოს რკინიგზამ“ კომპანია „ნოვა ტექნოლოჯისთან“ გააფორმა. საქართველოს მასშტაბით მომსახურების მიღება 500 აპარატითაა შესაძლებელი. პირველ მგზავრს, რომელიც ბილეთს ამ ფორმით შეიძენს, სპეციალურ პრიზს გადასცემენ.