საქართველოს სასაზღვრო პოლიციის ხელმძღვანელმა ზაზა გოგავამ, სახელმწიფო დეპარტამენტის მოწვევით, დაიწყო ვიზიტი აშშ-ში.

ზაზა გოგავა უკვე ესტუმრა აშშ-ის საბაჟო და სასაზღვრო დაცვის უწყებას. ორ დღეში საქართველოს სასაზღვრო პოლიციის ხელმძღვანელი გაემგზავრება ქალაქ ელ პასოში (ტექასის შტატი), რომელიც აშშ-სა და მექსიკის საზღვარზე მდებარეობს. მანდ გოგავა აშშ-ის სასაზღვრო პატრულის მუშაობის პროცესს გაეცნობა.

ქართულ და ამერიკულ უწყებებს შორის საზღვრის დაცვასთან დაკავშირებული გამოცდილების გაცვლის პროექტი აშშ-ის მხრიდან ექსპერტების გაცვლას, ტრენინგებსა და ტექნიკურ დახმარებას ითვალისწინებს.

„ჩვენ, პრაქტიკულად, ურთიერთობათა ახალ ეტაპს ვიწყებთ, რომელიც პერსონალის გაცვლას, ტრენინგებს ითვალისწინებს. ამას გარდა, პროექტი ითვალისწინებს ერთობლივ სწავლებებს როგორც აშშ-ის ტერიტორიაზე, ისე საქართველოში“, - განაცხადა გოგავამ.