კანონში „სახელმწიფო ბაჟის შესახებ“ ცვლილებები შევა, რომელთა შესაბამისადაც ფიზიკური პირებისათვის ბაჟის სიდიდე პირველი ინსტანციის სასამართლოში არ უნდა აღემატებოდეს 3 ათას ლარს, ხოლო იურიდიული პირებისათვის - 5 ათას ლარს.

სააპელაციო სასამართლოში ფიზიკური და იურიდიული პირებისათვის ბაჟის სიდიდე არ უნდა აღემატებოდეს 5 და 7 ათას ლარს, შესაბამისად.

რაც შეეხება საკასაციო სასამართლოს, ფიზიკური პირებისათვის მაქსიმალური ბაჟი არ უნდა აღემატებოდეს 6 ათას ლარს, ხოლო იურიდიული პირებისათვის - 8 ათას ლარს.

კანონპროექტის ავტორები მიიჩნევენ, რომ სამივე ინსტანციის სასამართლოებისათვის გათვალისწინებული იყო ერთი მაქსიმალური ბაჟი, რაც სამოქალაქო პროცესუალური კოდექსით ყოველი ინსტანციისათვის დაწესებული ბაჟის მაქსიმალურ სიდიდეს ეწინააღმდეგება.