საქართველოს შავი ზღვის კურორტი - ბათუმი მომზადებას აწარმოებს MTV-ის ვარსკვლავების გრანდიოზული კონცერტისთვის. ამის შესახებ იტყობინება “GHN“.

MTV-სთან მოლაპარაკებებს საქართველოს პრემიერ-მინისტრის აპარატი აწარმოებს. უკვე ცნობილია, რომ სამუშაოთა მოსამზადებელი ეტაპების მიზნით მომავალ კვირას საქართველოში ერთ-ერთი ცნობილი ევროპელი პროდიუსერი ჰლოი მეისონი ჩამოვა.

სტუმრები კონცერტის ჩასატარებელ ადგილს აარჩევენ. სავარაუდოდ, იგი ბათუმის ახალ ბულვარზე გაიმართება.

უახლოეს მომავალში ასევე დადგინდება იმ მონაწილეთა სია, რომლებიც ბათუმში ამ გრანდიოზული ღონისძიების ჩასატარებლად ჩამოვლენ.