მომდევნო ხუთი წლის განმავლობაში საქართველოს სადაზღვევო კომპანიები უცხოელ ინვესტორთა მფლობელობაში გადავლენ. ამის შესახებ დაზღვევის ასოციაციის თავმჯდომარემ განაცხადა. დევი ხენჩინაშვილის თქმით, ომი რომ არა, სადაზღვევო ბაზრის მოთამაშეები უმსხვილესი მსოფლიო კონგლომერატის ნაწილი გახდებოდნენ.

იგი აღნიშნავს, რომ ცალკეულ მოთამაშეებში დღესაც არსებობს უცხოური კაპიტალი: „არქიმედეს გლობალ ჯორჯიას“ კაპიტალი 100%-ით ებრაულია, „ირაოს“ 90% ვენურ სადაზღვევო ჯგუფს ეკუთვნის.

ხეჩინაშვილი მიიჩნევს, რომ ამჟამად ქართულ ბაზარზე 5 ძირითადი მოთამაშეა: „ალდაგი“, „იმედი L“, „GPI”, „IC ჯგუფი“. „ალფას“ კი, სახელმწიფო პროგრამაში მონაწილეობის გამო, თავისი ადგილი უკავია. 2010 წლის პირველ ნახევარში სადაზღვევო კომპანიებმა 91 842 423 ლარის ოდენობის პრემია მოიზიდეს.