საქართველოს ეკონომიკისა და მდგრადი განვითარების მინისტრმა ვერა ქობალიამ პარიზში საფრანგეთის მეწარმეთა გაერთიანება „მედეფ ინტერნასიონალის“ ხელმძღვანელობასთან შეხვედრა ჩაატარა. 27ნოემბერს პარიზში მყოფმა ქობალიამ ქართველ ჟურნალისტებთან განაცხადა, რომ ფრანგმა ბიზნესმენებმა საქართველოსთან თანამშრომლობის დიდი დაინტერესება გამოავლინეს, განსაკუთრებული ყურადღება მიექცა ტურიზმის, ლოჯისტიკის, სატრანსპორტო კომუნიკაციებისა და ჰიდროენერგეტიკის სფეროებს“. მინისტრმა ასევე თქვა, რომ „გაერთიანება „მედეფის“ რამდენიმე ფრანგი წევრი ბიზნესმენი უკვე დაკავებულია საქართველოში ბიზნეს-საქმიანობით ან მის დაწყებას გეგმავს“.

ქობალიამ აღნიშნა, რომ პარიზში მან ასევე ჩაატარა შეხვედრები საფრანგეთის პრეზიდენტ ნიკოლ სარკოზის რამდენიმე მრჩეველთან და ფინანსთა სამინისტროს წარმომადგენლებთან და განიხილა ორი ქვეყნის ეკონომიკური თანამშრომლობის განვითარების საკითხები.