საქართველომ დაადასტურა მონაწილეობა შავი ზღვის ეკონომიკურ ფორუმში, რომელიც 26-27 ნოემბერს ყირიმში გაიმართება. ამის შესახებ reporter.ua იტყობინება. საქართველოს დელეგაციას ეკონომიკის მინისტრი ვერა ქობალია გაუძღვება.

საერთო ჯამში ფორუმში მონაწილეობა დაადასტურა ხელისუფლების, საერთაშორისო ორგანიზაციებისა და საექსპერტო საზოგადოების 100-ზე მეტმა წარმომადგენელმა.

ფორუმი უკრაინის პრეზიდენტის იანუკოვიჩის პატრონატის ქვეშ და ყირიმის ავტონომიური რესპუბლიკის მინისტრთა საბჭოს ინიციატივით ჩატარდება. მთლიანობაში, ფორუმი შავი ზღვის ბასეინის ქვეყნების სამთავრობო, საქმიანი და საექსპერტო წრეების 250-ზე მეტ წარმომადგენელს შეკრებს.