ქართულ ბაზარზე კარაქის დეფიციტია. ამის შესახებ რძის პროდუქციის მწარმოებელთა ასოციაციაში აცხადებენ. მათი თქმით, ადგილობრივ ბაზარზე რძის რაოდენობა საკმარისი არაა, რის გამოც დღესდღეობით ბაზარზე საერთოდ არაა კარაქი. კომპანია „ევროპროდუქტებშიც“, რომელსაც იმპორტირებული რძის ნაწარმის 65% უკავია, აცხადებენ, რომ რძის დეფიციტი რძის ნაწარმის საერთაშორისო ბაზარზეც წარმოიშვა და ამ მიზეზით კარაქი 30-40%-ით გაძვირდა.

საერთაშორისო ლაბორატორიაში ჩატარებული კვლევის შედეგად დადგინდა, რომ ქართულ ბაზარზე წარმოებული კარაქის უმრავლესობა მცენარეული ცხიმითაა გაჯერებული, ასევე ადგილობრივი წარმოების კარაქში წყლის შემცველობის ნორმაა დარღვეული.