ევროპარლამენტის განსაკუთრებული მოწვევით 23 ნოემბერს საქართველოს პრეზიდენტი მიხეილ სააკაშვილი ევროპარლამენტსა და ევროგაერთიანებას სიტყვით მიმართავს. ამის შესახებ პრეზიდენტის პრეს-სამსახურის ოფიციალურ შეტყობინებაშია ნათქვამი.

ევროპარლამენტში გამოსვლის გარდა დაგეგმილია სააკაშვილის შეხვედრა ევროპარლამენტის პრეზიდენტთან ეჟი ბუზეკთან, რის შემდეგაც საქართველოს პრეზიდენტის პატივსაცემად ოფიციალური სადილი მოეწყობა.

„ეს ის ერთ-ერთი უიშვიათესი გამონაკლისია, როდესაც ევროკავშირის არაწევრი სახელმწიფოს მეთაურს ევროპარლამენტთან მიმართვის შესაძლებლობა ეძლევა. მიხეილ სააკაშვილს ასეთი შესაძლებლობა უკვე მეორეჯერ ეძლევა“, - ნათქვამია შეტყობინებაში.