ლატვიურმა ავიაკომპანია “airBaltic“-მა საქართველოში თავისი წარმომადგენლობა გახსნა. „ჩვენ თბილისის მიმართულებით რეისებს 2006 წლიდან ვახორციელებთ, მაქსიმუმ კვირაში შვიდჯერ, რაც სეზონზეა დამოკიდებული. თბილისში ოფისის გახსნა კავკასიაში კომპანიის პოზიციების გაფართოების მორიგი ნაბიჯია“, - განაცხადა „airBaltic“-ის სავაჭრო წარმომადგენელმა ტერო ტასკილამ.

ახალი ოფისი ფალიაშვილის ქუჩის 72 ნომერშია განლაგებული. კომპანია უზრუნველყოფს რეისებს დაბალ ფასად და საქართველოს დედაქალაქს დასავლეთ ევროპის, სკანდინავიის, ხმელთაშუა ზღვის რეგიონის ქვეყნებთან და ახლო აღმოსავლეთთან აკავშირებს.

„airBaltic”-ის ოფისები ბერლინში, კიევში, მინსკში, მოსკოვში, სანქტ-პეტერბურგში, კლაიპედში, ტალინსა და ვილნუსშია განლაგებული.