ქუთაისის აეროპორტიდან ევროპის მიმართულებით რეგულარული რეისები განხორციელდება. ამასთან ერთად, ქუთაისში აშენდება ბულვარი, რომელიც ბათუმის ბულვარის ანალოგიური იქნება. ამის შესახებ დღეს საქართველოს პრეზიდენტმა მიხეილ სააკაშვილმა ახალი მთავრობის სახლის მშენებლობის გახსნაზე განაცხადა.

მისი სიტყვებით, ბულვარი საკონტროლო პალატის შენობიდან ქუთაისის ცენტრამდე მოეწყობა და ახალ პროსპექტზე, მსგავსად ბათუმისა, ველოსიპედით გადასაადგილებლად 30 კილომეტრიანი გზა აშენდება.

ისევე, როგორც თბილისსა და ბათუმში, ქუთაისშიც გამოჩნდება ახალი ტრანსპორტის სახეობები, მათ შორის - ჩქაროსნული ტრამვაი. ამასთან, ქუთაისის აეროპორტი მოწყობილი უნდა იყოს ისე, რომ რეგულარული რეისები განახორციელოს როგორც თბილისიდან, ისე ევროპიდან. კარგად დაიმახსოვრეთ, რომ მალე ქუთაისიდან ევროპის მიმართულებით 6 რეისი შესრულდება“, - განაცხადა სააკაშვილმა.